A pesar de estarmos a vivir tempos difíciles, dos efectos da crise, das guerras, da pandemia, non queremos renunciar ao máis importante: unha vida en paz e sen violencia, podermos optar por un traballo, o acceso á sanidade ou á educación.

Por iso, este Nadal queremos darche as grazas por seguir crendo na importancia da ilusión na infancia, por seguir apostando por un futuro mellor, e por confiares en que un mundo de maior xustiza é posible.

Bo Nadal.

Grazas por todo o que fas, polo teu compromiso e solidariedade. Grazas á túa axuda seguimos realizando o noso traballo, apoiando a máis de 345 000 persoas en 40 países de América Latina, África, Asia e Europa.

UcraínaAcoller
e acompañar

© Sergi Cámara

En situacións de desprazamento e refuxio como a que está a vivir a poboación ucraína, ademais de aloxamento e alimentación, traballamos para que os nenos e nenas sigan tendo acceso á educación, a espazos de seguridade e de paz. A través de aulas amigables nos países de acollida, favorecemos a súa integración e a normalización das súas vidas.

CHADNenas libres
de violencia

© Irene Galera

Traballamos con máis de 13 000 nenas para previr a violencia e o abandono escolar. Nos "Clubs de nenas" que xeramos, atopan espazos seguros para expresaren as súas preocupacións e formárense. Sensibilizamos tamén a comunidade e as familias sobre a importancia da educación para previr o matrimonio infantil e outros tipos de violencia.

LÍBANOEscolas
refuxio

© Kristóf Hölvényi

Aínda hoxe, máis de 300 000 nenos e nenas refuxiados sirios no Líbano seguen sen escolarizar. Traballamos para que poidan acceder a unha educación de calidade e que poidan, na medida do posible, entrar no sistema educativo libanés. Ademais, traballamos nas comunidades de orixe e nas persoas refuxiadas para construír a paz e promover a convivencia.

SEDE CENTRAL MADRID
C/ Maldonado, 1 A Planta 3, 28006 MADRID
Tlf. 91 590 26 72
www.entreculturas.org